तिम्रै छ

 

तिम्रै छ

दिन तिम्रै छ, रात तिम्रै, तिम्रै छ विहान पनि

जन्म तिम्रै छ, जीवन तिम्रै, तिम्रै छ चिहान पनि

साथ तिम्रै छ, वियोग तिम्रै, तिम्रै छ याद पनि

रोग तिम्रै छ, ओखती तिम्रै, तिम्रै छ म्याद पनि |

प्रसङ्ग तिम्रै छ, प्रश्न तिम्रै, तिम्रै छ हल पनि

गीता तिम्रै छ, नवाज तिम्रै, तिम्रै छ वाइवल पनि

ज्ञान तिम्रै छ, कानुन तिम्रै, तिम्रै छ अज्ञान पनि

मुद्दा तिम्रै छ, साक्षि तिम्रै, तिम्रै छ वयान पनि |

हार तिम्रै छ, लडाइ तिम्रै, तिम्रै छ जित पनि

शब्द तिम्रै छ,स्वर तिम्रै, तिम्रै छ संगीत पनि

वस्तु तिम्रै छ, घाम तिम्रै , तिम्रै छ छायाँ पनि

धोका तिम्रै छ, विश्वास तिम्रै, तिम्रै छ माया पनि |

गाउ तिम्रै छ, मानिश तिम्रै, तिम्रै छ सहर पनि

अमृत तिम्रै छ, आत्मा तिम्रै, तिम्रै छ जहर पनि

भाषा तिम्रै छ, संस्कृति तिम्रै, तिम्रै छ भेष पनि

देश तिम्रै छ, भक्त तिम्रै, तिम्रै छ रमेश पनि |